Pomara / Bibeeem

Jadion

Tokcoba Amikumu tir ?

Amikumu tir talpeyot pomas va rin icde trasira is icde golera pu pokef avafamik. Tulon, viele tilderugalon koyat, pune va Amikumu rofavet ta kevlanira va francavusik ik espanavusik ik pokef usik va beta ava.

Flieem

Tokinde flir ?

  1. Redura va pata elupkon ok kan Facebook.

  2. Narara va ava rinon felilena is vas toka vwa. Lo 7000 ava krulded (don lo 100 zatcava) koe minaf origeem.

  3. Sutelara va pilkaf yolt isu tanizva tori kota ava rinon felilena.

  4. Espara va pokeikafa vexala ta trasira va tel 100 lopokef ayik us va rinafa mukotana ava.

  5. Golera pu arik ise kevlanira va sin !

Kas batcoba dodiskafa ?

Gue.

Kan tok bolk Amikumu zo rofaver ?

Amikumu flir kan Android (OS 4.0.3) isu iOS 9.1 (iPhone 4S, iPad 2+).

Musuca

Kas arik kotviele rowid lize elimon tigí ?

Rinafe yasege isu muse tid tolke zolonafe sedme cin, numen Amikumu va elimaf liz me nedir.

Tokinde rotulanawé da abigik va jin me staksad ?

Va batcoba me koton rotarutel. Neke, ede zo funel, pune drikon rotelekal vey liota ke funesik. Viele va kontel elekal, bam in va rin mea di rowir meie pu rin di rogoler.

Doda

Kas Amikumu tir ton Open Source teza ?

Dene Amikumu, Open Source teza zo albar. Goxe, Open Source teza, va minaf viley me katir. Neken, kotviele va rofenkura va beksa aneyav viele berde.

Kas va Amikumu roremsuté ?

En, ropomal da va Amikumu remsutet kal rinafa ava batlize..

Va tokcoba Amikumu sugdalar ?

Amikumu sosugdalar : « nucul djay » koe Esperanto.

Tokinde ropomá ?

Va rinafa koaykaxa tudrumbav numen vay yotel va cinafa vexala dem givavuropamane ‼ Oke vay va cin suzdal koe Facebook <https://www.facebook.com/amikumuapp/>`_ik `Twitter <https://twitter.com/Amikumu>`_ik `VK bu ta da zo gival ‼

Tori loa giva, vay pu cin golel vey help@amikumu.com